Kirola eta euskara

Kirola esparru estrategikoa da euskararen normalizazio prozesuan. Ume, heldu, nerabe eta gazteei aisialdian euskaraz gozatzeko aukera eta ohitura zabaltzea dugu gure jendartean erronka nagusi, eta helburu gune honetan.

Kirol eremuko edozein entitate (elkarte, klub, eskola…) eta pertsona (entrenatzaile, monitore, teknikari, presidente, mediku…) gara garrantzitsu prozesu honetan, aldeko jarrera baten bidez modu positiboan eragiteko aukera eta ardura ditugulako, bakoitzak geure neurrian.

Kirolean euskararen erabileran modu positiboan eragiteko martxan ditugun proiektuak hainbat dira, hurrengo eragile eta erakunde ezberdinekin lankidetzan jorratutakoak: Artez Euskara Zerbitzuak, Kirolean, Eusko Jaurlaritzako Kultura eta Hizkuntza Politika Saila eta Bizkaiko Foru Aldundia.

Kirol eragile ezberdinekin lantzeko garatutako ikastaroak:

Jokatu eta Aktibatu: kirol elkarte, klub zein federazioetako eragile ezberdinekin hizkuntza kontzientzia eta sentsibilizazioa lantzeko.
Jokatu, ekintzara pasatu!: hausnarketatik ekintzara pasatzen laguntzeko, gako, tresna eta zenbait baliabide eskaintzeko modulua.
Hizkuntza estrategiak kirolean: kirolean hizkuntzaren garrantziaz kontzientziatuta, euskara sustatzeko estrategia eta gakoak eskaintzen dituen modulua

Ikastaroak

jokaTU: kirolean euskara sustatzen

Kirol eragileek beraien esparruan euskararen erabilera areagotu eta hizkuntza ohiturak eraldatzeko kontzientziazio ikastaroa.

Hizkuntza: euskara
Iraupena: 5 ordu

Ikastarora joan

jokaTU: ekintzara pasatu!

Kirolean euskararen erabilera areagotzeko, hausnarketatik ekintzara pasatzera animatzen zaitugu. Horretarako, gako, tresna eta zenbait baliabide eskaintzen dizkizugu modulu honetan.

Hizkuntza: euskara
Iraupena: pertsonalizatua

Ikastarora joan

Rugby,Players,And,Their,Coach,Gathering,Before,A,Match

aktibaTU

Euskal hiztunak ez diren kirol eragileak hizkuntzaren garrantziaz sentsibilizatzeko ikastaroa.

Hizkuntza: gaztelania / elebitan
Iraupena: 5 ordu

Ikastarora joan

Hizkuntza estrategiak kirolean

Kirolean hizkuntzaren garrantziaz kontzientziatuta, euskara sustatzeko estrategia eta gakoak eskaintzen dituen modulua da hau.

Eusko Jaurlaritzako Kultura eta Hizkuntza Politika Sailaren ikastaroa.

Hizkuntza: euskara
Iraupena: 10 ordu

Ikastarora joan

Kids,In,Elementary,School,Sports,Team,Piggybacking,Outdoors

BIKEE / Bizkaian kirola euskaraz

Bizkaian Kirola ere Euskaraz BIKEE proiekturako pilula digitalak. Pilula hauen helburua kirolarekin zuzeneko harremana duten kideei teknikoki euskaraz jarduteko baliabideak ematea da.

Bizkaiko Foru Aldundiaren proiektua.

Hizkuntza: euskara
Iraupena: 30 min.

Ikastarora joan